Վատիկանի Պետութիւնը դիւանագիտական յարաբերութիւններ հաստատած է 179 երկիրներու հետ,
ներառաել Հայաստանը, Եւրոմիութեան եւ միջազգային բնոյթ ունեցող ոչ կառավարական կազմակերպութիւններու
հետ։ Հայաստանի հանրապետութեան հետ դիւանագիտական յարաբերութիւնները հաստատուած են
23 մայիս 1992-ին, նորանկախ Հայաստանի հանրապետութեան հռչակումէն 8 ամինսեր ետք։ Այդ
օրէն իր վեր Հայաստանի հանրապերութիւնը ունեցած է Սուրբ Աթոռի մօտ ''ոչ մնայուն'' դեսպան
- այսինքն Վատիկանի կամ Իտալիոյ հողի վրայ բնակարան կամ աթոռ չ՛ունեցող դեսպան։ 2013-ի
7 յունիսը կը հանդիսանայ Սուրբ Աթոռի եւ Հայաստանի Հանրապերութեան միջեւ յարաբերութիւններու
գծով պատմական թուական։ Արդարեւ ուրբաթ 7 յունիսին առաւօտեան ֆարնչիսկոս Պապը ընդունեց
Հայաստանի` Սուրբ Աթոռի մօտ առաջին ''մնայուն'' դեսպանի հաւատարմագրերը յանձինս Տիար
Միքայել Միասեանին։
Սուրբ Աթոռի մամլոյ գրասենեակի տնօրէն` հայր ֆետերիքօ Լոմպարտի
այս մասին արտայայտուելով նշեց թէ ինչպէս երկու Պետութիւններու միջեւ յարաբերութիւնները
եղած են միշտ ներդաշնակ ու սերտ եւ այս ''մնայուն'' դեսպանատան հաստատումով` վերոյիխեալ
յարաբերութիւնները աւելիով պիտի ամրապնդուին, նա մանաւանդ երբ կը խօսուի ''առաջին քրիստոնեայ
ազգի մասին։'' Հայր Լոմպարտի նշեց նաեւ 1999-ի Վատիկանի մէջ կազմակերպուած ''Հռոմ
- Հայաստան'' շքեղ ցուցահանդէսը, երջանկայիշատակ Յովհաննէս Պօղոս Բ-ի` 2001-ին Հայաստան
կատարած պատմական այցելութիւնը, Հայ ժողովուրդի քրիստոնէացման 1700րդ տարեդարձին առթիւ։
Վատիկանի բանբերը մատնանշեց 2005-ին, միշտ Յովհաննէս Պօղոս Բ-ի օրով, Սուրբ Պետրոսի մէջ
զետեղուած Սուրբ Գիրգոր Լուսաւորիչի արձանի բացման արարողութեան ու 2008-ին Պենետիկտոս
ԺԶ-ի օրով Սուրբ Պետրոսի անուան նուիրուած ներքնաբակի անուանակոչութիւնը։ Հայր ֆետերիքօ
Լոմպարտին յիշեց նաեւ Գարեգին Բ` Ամենայն Հայոց եւ Արամ Ա` Մեծի Տանն Կիլիկիոյ Կաթողիկոսներու
Վատիկան այցելութիւնները ինչպէս նաեւ Հայաստանի Հանրապետութեան նախագահ Տիար Սերժ Սարգսեանի
2011-ի դեկտեմբերին Պենետիկտոս ԺԶ տուած պաշտօնական այցը։ Ասոնց շարքին Հայր Լոմպարտի
աւելցուց Պենետիկտոս ԺԶ -ի պատմական այցը, 2012-ի սեպտեմբերին, լիբանանի Հայ Կաթողիկէ
պատրիարքութեան աթոռ` Զմմառ, հուսկ անցեալ 3 յունիսին Ներսէս Պետրոս ԺԹ Տանն Կիլիկիոյ
Կաթողիկէ Հայոց կաթողիկոս պատրիարքի անդրանիկ հանդիպումը ֆրանչիսկոս Սրբազան Քահանայապետին։
Այս բոլորը կը բացայայտեն - հաստատեց Հայր Լոմպարտի - երկու Պետութիւններու եւ Եկեղեցիներու
միջեւ կայուն ու սերտ յարաբերութիւները։